Armeniianyń Ortalyq sailaý komissiiasynyń tóraǵasy Tigran Mýkýchian eldegi kezekten tys parlamenttik sailaýdyń aldyn ala qorytyndysyn jariialady. Komissiia derekterine sai, Nikol Pashiniannyń «Grajdanskii dogovor» partiiasy 53,92% daýys jinap, jeńiske jetip tur, dep habarlaidy "Ult aqparat".
Armeniianyń eks-prezidenti Robert Kochariannyń «Aiastan» («Armeniia») blogy 21,04% daýys jinap, ekinshi orynǵa jaiǵasty. Eldiń Ulttyq qaýipsizdik qyzmetiniń eks-basshysy Artýr Vanetsiannyń blogy «Chest imeiý» 5,23% daýyspen úshinshi orynda.
«Ortalyq sailaý komissiiasy jariialaǵan sailaýdyń aldyn ala qorytyndysy boiynsha, «Grajdanskii dogovor» partiiasy jańadan sailanatyn parlamentte konstitýtsiialyq kópshilik bolmaq (105-ten 71 depýtattan kem emes) jáne meniń basshylyǵymmen jańa úkimet qurady», - dep jazdy Twitter-de Armeniia Respýblikasy premer-ministriniń mindetin atqarýshy Nikol Pashinian.
Eske sala keteiik, 20 maýsym kúni Armeniiada kezekten tys parlamenttik sailaý ótti. Oǵan 25 saiasi kúsh qatysty. Olardyń 21-i partiia, qalǵan tórteýi – bloktar.
