29 aqpannan 1 naýryzǵa qaraǵan túni Armeniiada koronavirýs juqtyrýdyń alǵashqy jaǵdaiy anyqtaldy. Bir kún buryn Irannan kelgen Armeniia azamatynyń testi oń nátije kórsetti, dep habarlaidy "Ult aqparat" eldiń premer-ministri Nikol Pashiniannyń málimdemesine silteme jasap.
Koronavirýs infektsiiasyn elde alǵashqy bolyp juqtyrǵan – Armeniianyń 29 jastaǵy azamaty. Ol 28 aqpanda Irannan arnaiy reispen kelgen.
«Aldyn ala jasalǵan test oń nátije kórsetti. Al qaita tapsyrǵan test nátijeleri túngi saǵat úshte belgili boldy», - delingen Armeniia premer-ministriniń Facebook-tegi paraqshasynda jariialanǵan málimdemesinde.
Premer-ministrdiń aitýynsha, qazir virýs juqtyrǵan adammen bailanysta bolǵandardy oqshaýlaý sharalary júrgizilýde.
