© Photo : t.me/WarLife
"Dikii" Arman atanyp ketken Arman Jumageldievti qamaýda ustaý merzimi 7 maýsymǵa deiin uzartyldy, dep habarlaidy "Ult aqparat" Almaty qalalyq sotynyń baspasóz qyzmetine silteme jasap.
"Almaty qalasynyń mamandandyrylǵan aýdanaralyq tergeý sotynyń 2023 jylǵy 6 sáýirdegi habarlamasy boiynsha, sot qaýlysymen tergeý organynyń ótinishi qanaǵattandyryldy. A. Jumageldievke qatysty qylmystyq is materialdarymen tanysý kezeńinde qamaý merzimin 2 aiǵa, iaǵni 2023 jylǵy 7 maýsymǵa deiin uzartýǵa sanktsiia berildi", - delingen resmi aqparatta.
Aita keteiik, "Dikii" Arman laqap atymen tanymal Jumageldievtiń ustalǵany týraly aqparat byltyr 7 qańtarda belgili bolǵan. Ol bes adamnan turatyn qylmystyq toppen birge Almatyda arnaiy operatsiia barysynda quryqtaldy. Ustalǵan kezde kúdiktilerden ártúrli markaly jáne kalibrli tórt jartylai avtomat tapansha, oq-dáriler, sýyq qarý men brondalǵan kólik tárkilengen.
QR IIM-niń aldyn ala derekteri boiynsha, ol byltyr jeltoqsanda shetelden kelgen jáne 5-6 qańtardaǵy oqiǵalar kezinde Almatyda bolǵan.
