Ulttyq qoǵamdyq senim keńesiniń múshesi Arman Qashqynbekov «Bolashaq» baǵdarlamasynyń túlekterin memlekettik qyzmetke, kvazimemlekettik sektorlarǵa, ulttyq kompaniialarǵa kóbirek tartýdy usyndy, dep habarlaidy QazAqparat.
«Meniń ózim - «Bolashaq» baǵdarlamasynyń túlegimin. Osy rette óz usynysymdy bildirýge ruqsat etińizder. Jalpy «Bolashaq» baǵdarlamasyna 27 jyl toldy. Baǵdarlama – eldiń biýdjettik kartochkasy ári táýelsizdik jyldary ishindegi erekshe serpindi jobalardyń biri bolyp sanalady. «Bolashaq» baǵdarlamasy boiynsha úzdik túlekterdi eldiń strategiialyq jáne taktikalyq mindetterin oryndaý úshin memlekettik qyzmetke, kvazimemlekettik sektorlarǵa, ulttyq kompaniialarǵa kóbirek tartýdy usynamyn», - dedi ol Ulttyq keńestiń tórtinshi otyrysynda.
Arman Qashqynbekovtyń aitýynsha, bul baǵyttaǵy jumys eldiń turaqty damýyna serpin beredi.
Eske sala ketsek, búgin Memleket basshysy Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy ótti. Shara barysynda memlekettik basqarý reformasy, áleýmettik jáne ekologiialyq máselelerdi sheshý, balalardyń quqyqtaryn qorǵaý, erekshe muqtajdyǵy bar adamdardy qoldaý máseleleri qaraldy.
