Arktikada jylyný álemniń basqa jerlerine qaraǵanda úsh ese tez bolady. Sońǵy jarty ǵasyrda óńirdegi ortasha jyldyq temperatýra 3,1°C-qa kóterildi, bul kezde ǵalamshar boiynsha ortasha jyldyq temperatýra shamamen 1°C-qa ǵana kóterilgen. Bul týraly Arktikalyq monitoring jáne baǵalaý baǵdarlamasy mamandarynyń jańa baiandamasynda málim etildi, dep habarlaidy Euronews.com saity.
Muz qabatynyń juqarýy jańa ekonomikalyq múmkindikterge jol ashady. Olar: balyq aýlaityn jerler, keme júzetin marshrýttar, munai men gazdyń jasyryn ken oryndary. Alaida máńgi toń aimaqtarynyń degradatsiiasy ósimdikter men janýarlardyń bir bútin túrleriniń joǵalýyna alyp keledi. Onyń ishinde aq aiý da bar.
Munyń saldaryn osy endikte turatyn tórt million adam sezinýde. Sonymen qatar Álemdik muhittyń jalpy deńgeiiniń kóterilýine bailanysty úileri bul jerden myńdaǵan kilometrde ornalasqandar da zardap shegýde.
Shvetsiia, Sibir men Aliaskada orman órtteri ádettegi problemaǵa ainaldy. Saldarynan mańyzdy parniktik gazdardy sińirgishter onyń myqty kózine ainalyp, klimattyń ózgerý qarqynyn kúsheitýde.
Osynshalyq tez jylynýdyń sebebin mamandar atmosferanyń joǵary qabattaryndaǵy joǵary qysymdy shaqyrǵan antitsiklon dep sanaidy. Saldarynan aspan tazaryp, qar erigen.
Klimatologtardyń aitýynsha, jylyný odan da qarqyndy bolmaq. Jazǵy mezgilde joǵary atmosferalyq qysym muzdyń ýaqytynan erte erýine ákeledi.
