اركتيكادا جىلىنۋ ەلەمنٸڭ باسقا جەرلەرٸنە قاراعاندا ٷش ەسە تەز بولادى. سوڭعى جارتى عاسىردا ٶڭٸردەگٸ ورتاشا جىلدىق تەمپەراتۋرا 3,1°C-قا كٶتەرٸلدٸ, بۇل كەزدە عالامشار بويىنشا ورتاشا جىلدىق تەمپەراتۋرا شامامەن 1°C-قا عانا كٶتەرٸلگەن. بۇل تۋرالى اركتيكالىق مونيتورينگ جەنە باعالاۋ باعدارلاماسى ماماندارىنىڭ جاڭا بايانداماسىندا مەلٸم ەتٸلدٸ, دەپ حابارلايدى Euronews.com سايتى.
مۇز قاباتىنىڭ جۇقارۋى جاڭا ەكونوميكالىق مٷمكٸندٸكتەرگە جول اشادى. ولار: بالىق اۋلايتىن جەرلەر, كەمە جٷزەتٸن مارشرۋتتار, مۇناي مەن گازدىڭ جاسىرىن كەن ورىندارى. الايدا مەڭگٸ توڭ ايماقتارىنىڭ دەگراداتسيياسى ٶسٸمدٸكتەر مەن جانۋارلاردىڭ بٸر بٷتٸن تٷرلەرٸنٸڭ جوعالۋىنا الىپ كەلەدٸ. ونىڭ ٸشٸندە اق ايۋ دا بار.
مۇنىڭ سالدارىن وسى ەندٸكتە تۇراتىن تٶرت ميلليون ادام سەزٸنۋدە. سونىمەن قاتار ەلەمدٸك مۇحيتتىڭ جالپى دەڭگەيٸنٸڭ كٶتەرٸلۋٸنە بايلانىستى ٷيلەرٸ بۇل جەردەن مىڭداعان كيلومەتردە ورنالاسقاندار دا زارداپ شەگۋدە.
شۆەتسييا, سٸبٸر مەن الياسكادا ورمان ٶرتتەرٸ ەدەتتەگٸ پروبلەماعا اينالدى. سالدارىنان ماڭىزدى پارنيكتٸك گازداردى سٸڭٸرگٸشتەر ونىڭ مىقتى كٶزٸنە اينالىپ, كليماتتىڭ ٶزگەرۋ قارقىنىن كٷشەيتۋدە.
وسىنشالىق تەز جىلىنۋدىڭ سەبەبٸن ماماندار اتموسفەرانىڭ جوعارى قاباتتارىنداعى جوعارى قىسىمدى شاقىرعان انتيتسيكلون دەپ سانايدى. سالدارىنان اسپان تازارىپ, قار ەرٸگەن.
كليماتولوگتاردىڭ ايتۋىنشا, جىلىنۋ ودان دا قارقىندى بولماق. جازعى مەزگٸلدە جوعارى اتموسفەرالىق قىسىم مۇزدىڭ ۋاقىتىنان ەرتە ەرۋٸنە ەكەلەدٸ.
