Úkimet basshysyna «KamAZ» kompaniiasynyń Qostanaidaǵy investitsiialyq jobalary tanystyryldy, dep habarlaidy QazAqparat.
Biyl Qazaqstan men Resei Federatsiiasy arasyndaǵy óndiristik kooperatsiiany damytý aiasynda «KamAZ» kóligi bólshekterin shyǵarý boiynsha birqatar jobalar iske qosyldy. Qazaqstan tarapynan seriktes bolyp «AgromashHolding KZ» AQ tańdaldy. Kompaniiaǵa Qostanaidaǵy Indýstrialdy aimaq aýmaǵynan 31 ga jer kólemi bólingen.
«Aimaqqa «KamAZ» arnaiy tehnikasy redýktorlaryn shyǵaratyn eki nysan ornalasatyn bolady. Al «AgromashHolding KZ» AQ zaýytynda qosymsha qondyrǵylar, usaq bólshekter óndirisi ashylady. Sonymen qatar, bul jobalardy bilikti kadrlarmen qamtamasyz etý úshin ǵylymi ortalyq ashamyz. Jalpy barlyq jobany júzege asyrýǵa shamamen 400 million AQSh dollary kóleminde investitsiia salý josparlanýda», - dedi Arhimed Muhambetov Qostanaidaǵy avtokólik zaýytynda ótken májiliste.
Osy jumystardyń nátijesinde oblysta 4 myń turaqty jumys orny ashylmaq. Jylyna mundai 5 000 avtobólshek shyǵarylady dep kútilýde. Avtobólshekterdiń (tejegish qalyptar, oryndyqtar, elektr suiyltqysh, rezeńke jáne plastikalyq buiymdar) deni qostanailyq zaýytqa tiesili.
«Indýstriialyq aimaqta jylyna 86 myń kólik redýktory paidalanýǵa beriledi. Onyń kólemi aldaǵy jyldarda 180 myńǵa deiin jetedi. Ónimniń 95%-y eksportqa jóneltiletin bolady» , - dedi oblys basshysy.
Eske salsaq, búgin QR Premer-Ministri Asqar Mamin Qostanai oblysyna jumys saparymen keldi.
