ٷكٸمەت باسشىسىنا «كاماز» كومپانيياسىنىڭ قوستانايداعى ينۆەستيتسييالىق جوبالارى تانىستىرىلدى, دەپ حابارلايدى قازاقپارات.
بيىل قازاقستان مەن رەسەي فەدەراتسيياسى اراسىنداعى ٶندٸرٸستٸك كووپەراتسييانى دامىتۋ اياسىندا «كاماز» كٶلٸگٸ بٶلشەكتەرٸن شىعارۋ بويىنشا بٸرقاتار جوبالار ٸسكە قوسىلدى. قازاقستان تاراپىنان سەرٸكتەس بولىپ «اگروماشحولدينگ KZ» اق تاڭدالدى. كومپانيياعا قوستانايداعى يندۋستريالدى ايماق اۋماعىنان 31 گا جەر كٶلەمٸ بٶلٸنگەن.
«ايماققا «كاماز» ارنايى تەحنيكاسى رەدۋكتورلارىن شىعاراتىن ەكٸ نىسان ورنالاساتىن بولادى. ال «اگروماشحولدينگ KZ» اق زاۋىتىندا قوسىمشا قوندىرعىلار, ۇساق بٶلشەكتەر ٶندٸرٸسٸ اشىلادى. سونىمەن قاتار, بۇل جوبالاردى بٸلٸكتٸ كادرلارمەن قامتاماسىز ەتۋ ٷشٸن عىلىمي ورتالىق اشامىز. جالپى بارلىق جوبانى جٷزەگە اسىرۋعا شامامەن 400 ميلليون اقش دوللارى كٶلەمٸندە ينۆەستيتسييا سالۋ جوسپارلانۋدا», - دەدٸ ارحيمەد مۇحامبەتوۆ قوستانايداعى اۆتوكٶلٸك زاۋىتىندا ٶتكەن مەجٸلٸستە.
وسى جۇمىستاردىڭ نەتيجەسٸندە وبلىستا 4 مىڭ تۇراقتى جۇمىس ورنى اشىلماق. جىلىنا مۇنداي 5 000 اۆتوبٶلشەك شىعارىلادى دەپ كٷتٸلۋدە. اۆتوبٶلشەكتەردٸڭ (تەجەگٸش قالىپتار, ورىندىقتار, ەلەكتر سۇيىلتقىش, رەزەڭكە جەنە پلاستيكالىق بۇيىمدار) دەنٸ قوستانايلىق زاۋىتقا تيەسٸلٸ.
«يندۋسترييالىق ايماقتا جىلىنا 86 مىڭ كٶلٸك رەدۋكتورى پايدالانۋعا بەرٸلەدٸ. ونىڭ كٶلەمٸ الداعى جىلداردا 180 مىڭعا دەيٸن جەتەدٸ. ٶنٸمنٸڭ 95%-ى ەكسپورتقا جٶنەلتٸلەتٸن بولادى» , - دەدٸ وبلىس باسشىسى.
ەسكە سالساق, بٷگٸن قر پرەمەر-مينيسترٸ اسقار مامين قوستاناي وبلىسىنا جۇمىس ساپارىمەن كەلدٸ.
