Qostanai oblysynyń ákimi Arhimed Muhambetov óńirdegi dárigerler jetispeýshiligi máselesin qalai sheship jatqanyn aityp berdi, dep habarlaidy "Ult aqparat".
«Biz «Qazaqstan ipotekalyq kompaniiasymen» dárigerlerge 250 páter salý týraly kelisimge qol qoidyq. Óńirdegi problemanyń biri - bizdiń oblysta joǵary meditsinalyq oqý orny joq. Bizge Aqtóbe, Qaraǵandy, Semei, Nur-Sultan qalalary men kórshi Reseiden dárigerler keledi. Biz olarǵa turǵyn úi berip, kómek kórsetemiz. Búginge deiin shamamen 255 adamdy tarttyq. Áitkenmen áli de 250-270 dáriger jetispeidi. Bir-eki aidan keiin zeinetke shyǵatyn dárigerler bar bolǵandyqtan, bul protsesti toqtatý múmkin emes», - dedi oblys basshysy OKQ-da ótken baspasóz máslihatynda.
Onyń aitýynsha, búginde oblysta 6200 dáriger men 18 myńǵa tarta medbike bar.
«Biz dáriger ǵana emes, medbike tapshylyǵyn da sheship, kolledjderde jataqhana salyp jatyrmyz. Rýdnyida Qostanai meditsinalyq kolledjiniń filialyn ashamyz. Tapshylyqty bir demde sheshý múmkin emes. Biraq jyl saiyn dárigerlerdi tartý boiynsha jumys júrgizetin bolsaq, onda 2021 jylǵa qarai kadr tapshylyǵynan qutylamyz», - dedi Arhimed Muhambetov.
