قوستاناي وبلىسىنىڭ ەكٸمٸ ارحيمەد مۇحامبەتوۆ ٶڭٸردەگٸ دەرٸگەرلەر جەتٸسپەۋشٸلٸگٸ مەسەلەسٸن قالاي شەشٸپ جاتقانىن ايتىپ بەردٸ, دەپ حابارلايدى "ۇلت اقپارات".
«بٸز «قازاقستان يپوتەكالىق كومپانيياسىمەن» دەرٸگەرلەرگە 250 پەتەر سالۋ تۋرالى كەلٸسٸمگە قول قويدىق. ٶڭٸردەگٸ پروبلەمانىڭ بٸرٸ - بٸزدٸڭ وبلىستا جوعارى مەديتسينالىق وقۋ ورنى جوق. بٸزگە اقتٶبە, قاراعاندى, سەمەي, نۇر-سۇلتان قالالارى مەن كٶرشٸ رەسەيدەن دەرٸگەرلەر كەلەدٸ. بٸز ولارعا تۇرعىن ٷي بەرٸپ, كٶمەك كٶرسەتەمٸز. بٷگٸنگە دەيٸن شامامەن 255 ادامدى تارتتىق. ەيتكەنمەن ەلٸ دە 250-270 دەرٸگەر جەتٸسپەيدٸ. بٸر-ەكٸ ايدان كەيٸن زەينەتكە شىعاتىن دەرٸگەرلەر بار بولعاندىقتان, بۇل پروتسەستٸ توقتاتۋ مٷمكٸن ەمەس», - دەدٸ وبلىس باسشىسى وكق-دا ٶتكەن باسپاسٶز مەسليحاتىندا.
ونىڭ ايتۋىنشا, بٷگٸندە وبلىستا 6200 دەرٸگەر مەن 18 مىڭعا تارتا مەدبيكە بار.
«بٸز دەرٸگەر عانا ەمەس, مەدبيكە تاپشىلىعىن دا شەشٸپ, كوللەدجدەردە جاتاقحانا سالىپ جاتىرمىز. رۋدنىيدا قوستاناي مەديتسينالىق كوللەدجٸنٸڭ فيليالىن اشامىز. تاپشىلىقتى بٸر دەمدە شەشۋ مٷمكٸن ەمەس. بٸراق جىل سايىن دەرٸگەرلەردٸ تارتۋ بويىنشا جۇمىس جٷرگٸزەتٸن بولساق, وندا 2021 جىلعا قاراي كادر تاپشىلىعىنان قۇتىلامىز», - دەدٸ ارحيمەد مۇحامبەتوۆ.
