Azov murajai-qoryǵynyń arheologtary XIV ǵasyrda Altyn ordanyń Azak qalasy ornalasqan, qazirgi Rostov oblysyndaǵy Azov qalasy aýmaǵynda júrgizgen qazba jumystary kezinde 32 orda monetasyn tapty, dep habarlaidy TASS agenttigi.
Bul týraly TASS agenttigine tarih ǵylymdarynyń kandidaty, murajaidyń arheologiia bóliminiń meńgerýshisi Andrei Maslovskii baiandady.
«Jibek jeideniń qiyndysyna oralǵan qazyna tabyldy. Ázirge qazba jumystary Petrov jelekjolynda júrgizilgen (2019 jyly arheologtar Azovtyń ortalyǵynda kólemdi qazba jumystaryn júrgizgen edi), restavratorlardyń tazalaýǵa talai ýaqyty ketti. Biraq eń bastysy, bul qazynanyń Azak úshin data boiynsha jalǵyz bolyp tabylatynyn aita ketý kerek», - dedi ol arheologtardyń buǵan deiin Azak aýmaǵynda ejelgi zamanǵy qazynalardyń tabylmaǵanyn qosyp.
Maslovskii Azaktaǵy tas úilerdiń jabynqyshpen jabylǵanyn anyqtaýǵa múmkindik bergen taǵy bir oljanyń úlken qyzyǵýshylyq týdyrǵanyn atap ótti.
«Byltyr bul tas ǵimarattardy anyqtaý kezinde Azakta jabynqysh bolǵany belgili boldy, biraq Orta ǵasyrdaǵy jabynqysh eki túrli edi – tegis jáne jartylai dóńgelek naýa túrinde. Basqa altynordalyq qalalarda da jabynqysh eki túrli ǵana bolsa, Azakta – tek naýa ǵana. Ótken jyly Azak sheberleriniń jabynqyshty tek naýadan ǵana salý ádisin oilap tapqanyn túsiný múmkin bolǵan, bul jańalyq sol ýaqyttyń qurylysyn aiqyndap otyr. Munda qamys emes, jabynqysh shatyry bolǵany anyqtaldy», - dep atap ótti ǵalym.
