Memleket basshysy Nursultan Nazarbaev Astanadaǵy Nazarbaev Ýniversitetiniń túlekterin quttyqtady, - dep habarlaidy Tengrinews.kz tilshisi.
"Qurmetti túlekter men dostar, men sendermen kezdesken saiyn qýanamyn. Bizdiń elimizdiń bolashaǵy senderge bailanysty, sondyqtan memleket senderdiń tegin bilim alýlaryń úshin qomaqty qarajat jumsap jatyr, ózge sheteldik JOO-larda mundai jaǵdailar jasalmaidy. Kerisinshe, biz olarǵa tóleimiz. Biz ol memleket úshin kerek degen senimmen jasaimyz, iaǵni, sender elge bilim alyp oralady degen senimmen", - dedi Prezident túlekterge.
Sondai-aq, Nursultan Nazarbaev bolashaqta elimizdegi JOO-lardyń barlyǵy Nazarbaev Ýniversitetiniń bilim berý modeline ótýi kerektigin aityp ótti.
"Senderdi áli úlken ómirlik belester kútip tur. Jeńiske jetesińder, keide jeńilesińder de, al keide adamdarǵa senip, keide olardan kóńilderin de qalady. Bul - ómir. Osynyń barlyǵy meniń basymnan ótkendikten senderdiń ózderińe degen senimderiń shabyt pen kúsh beredi. Men senderdiń árqaisyńdy maqtan tutamyn", - dedi Prezident.
Munymen qosa, Prezident biyl jazdy 140 myń stýdenttiń Qazaqstandyq JOO-nyń diplomyn alatynyn aitty. "Qazir elimizdiń basqa ýniversitetterinde de túlekter oqý bitirip jatyr, olardy osyndai qýanyshty kúnmen quttyqmaimyn", - dedi Nazarbaev.
Nazarbaev Ýniversitetiniń baspasóz qyzmetiniń málimetinshe, biyl 811 stýdent oqý bitirip jatyr.
