مەملەكەت باسشىسى نۇرسۇلتان نازارباەۆ استاناداعى نازارباەۆ ۋنيۆەرسيتەتٸنٸڭ تٷلەكتەرٸن قۇتتىقتادى, - دەپ حابارلايدى Tengrinews.kz تٸلشٸسٸ.
"قۇرمەتتٸ تٷلەكتەر مەن دوستار, مەن سەندەرمەن كەزدەسكەن سايىن قۋانامىن. بٸزدٸڭ ەلٸمٸزدٸڭ بولاشاعى سەندەرگە بايلانىستى, سوندىقتان مەملەكەت سەندەردٸڭ تەگٸن بٸلٸم الۋلارىڭ ٷشٸن قوماقتى قاراجات جۇمساپ جاتىر, ٶزگە شەتەلدٸك جوو-لاردا مۇنداي جاعدايلار جاسالمايدى. كەرٸسٸنشە, بٸز ولارعا تٶلەيمٸز. بٸز ول مەملەكەت ٷشٸن كەرەك دەگەن سەنٸممەن جاسايمىز, ياعني, سەندەر ەلگە بٸلٸم الىپ ورالادى دەگەن سەنٸممەن", - دەدٸ پرەزيدەنت تٷلەكتەرگە.
سونداي-اق, نۇرسۇلتان نازارباەۆ بولاشاقتا ەلٸمٸزدەگٸ جوو-لاردىڭ بارلىعى نازارباەۆ ۋنيۆەرسيتەتٸنٸڭ بٸلٸم بەرۋ مودەلٸنە ٶتۋٸ كەرەكتٸگٸن ايتىپ ٶتتٸ.
"سەندەردٸ ەلٸ ٷلكەن ٶمٸرلٸك بەلەستەر كٷتٸپ تۇر. جەڭٸسكە جەتەسٸڭدەر, كەيدە جەڭٸلەسٸڭدەر دە, ال كەيدە ادامدارعا سەنٸپ, كەيدە ولاردان كٶڭٸلدەرٸن دە قالادى. بۇل - ٶمٸر. وسىنىڭ بارلىعى مەنٸڭ باسىمنان ٶتكەندٸكتەن سەندەردٸڭ ٶزدەرٸڭە دەگەن سەنٸمدەرٸڭ شابىت پەن كٷش بەرەدٸ. مەن سەندەردٸڭ ەرقايسىڭدى ماقتان تۇتامىن", - دەدٸ پرەزيدەنت.
مۇنىمەن قوسا, پرەزيدەنت بيىل جازدى 140 مىڭ ستۋدەنتتٸڭ قازاقستاندىق جوو-نىڭ ديپلومىن الاتىنىن ايتتى. "قازٸر ەلٸمٸزدٸڭ باسقا ۋنيۆەرسيتەتتەرٸندە دە تٷلەكتەر وقۋ بٸتٸرٸپ جاتىر, ولاردى وسىنداي قۋانىشتى كٷنمەن قۇتتىقمايمىن", - دەدٸ نازارباەۆ.
نازارباەۆ ۋنيۆەرسيتەتٸنٸڭ باسپاسٶز قىزمەتٸنٸڭ مەلٸمەتٸنشە, بيىل 811 ستۋدەنت وقۋ بٸتٸرٸپ جاتىر.
