Qostanai oblysynyń Arqalyq qalasynda qaitys bolǵan naýqastyń ólimi koronavirýstan bolǵan joq. Koronavirýsty juqtyrǵan naýqastardyń ólim jaǵdailaryn zertteý jónindegi komissiia tujyrymynda osylai delingen, dep habarlaidy "Ult aqparat".
Aita keteiik, Arqalyq qalasynda koronavirýs anyqtalǵan 84 jastaǵy keiýana óz úiinde kóz jumǵan bolatyn.
Soronavirus2020.kz saityndaǵy aqparatqa sáikes, 27 sáýir kúni naýqastyń ólimi koronavirýstan, ne basqa syrqattan bolǵanyn anyqtaý úshin komissiia ótkizildi.
«Zerttelgen meditsinalyq qujattamaǵa sáikes, patsient 2020 jyldyń naýryz aiynan bastap tirkelgen orny boiynsha «3-dárejeli arterialdyq gipertoniia, 3-dárejeli qaýip, gipertenzivti entsefalopatiia» diagnozymen Arqalyq qalalyq emhanasynda esepte turǵan.
Sońǵy eki aida negizgi syrqaty boiynsha úige birneshe ret jedel járdem shaqyrǵany anyqtaldy. Oǵan dálel - meditsinalyq aqparattyq júie.
Joǵaryda baiandalǵannyń negizinde, sondai-aq patsienttiń jasyn jáne sozylmaly aýrýdyń bolýyn eskere otyryp, komissiia naýqastyń ólimi júrek-qan qyzmetiniń jetkiliksizdiginen boldy degen qorytyndyǵa keldi. Koronavirýs qosalqy syrqat bolyp tabylady», - delingen málimette.
