Arqalyq qalasynyń turǵyny Sergei Býglov jol talǵamaityn kólikti basqaryp, politseilerdi tabeldik qarý qoldanýǵa májbúr etken 14 jastaǵy ulynyń áreketi úshin kópshilik aldynda keshirim surady, - dep habarlaidy Tengrinews.kz.
Balanyń ákesi mundai endi qaitalanbaidy dep ýáde berdi jáne bolǵan oqiǵaǵa barlyq jaýapkershilikti óz moinyna aldy.
"Men balaǵa, qozǵalys qatysýshylary men jaiaý júrginshilerge qatysty durys áreket jasamadym. Barlyǵynan keshirim suraǵym keledi. Jol politsiiasy qyzmetkerleri zań aiasynda áreket etti, meni toqtatpaǵanda, ne bolaryn bilmeimin", - dedi 35 jastaǵy er adam.
Buǵan deiin Arqalyqta politseiler tizgininde 14 jastaǵy bala otyrǵan kóliktiń artynan qýyp, qarýmen toqtatqany habarlanǵan bolatyn. Jelide júrgizýshiniń jolaýshylary túsirgen video paida boldy. Kadrlarda balanyń janynda nusqaýshy bolyp otyrǵan er adamdy kórýge bolady. Kólikti toqtatý úshin tártip saqshylary tabeldik qarýdy qoldanyp, jol talǵamaityn kóliktiń artqy dóńgelegin jardy.
