Jasóspirim jigit qyzdarǵa travmatikalyq qarýdan oq atqan. Politsiia Arqalyqta eki qyzǵa dene jaraqatyn salý faktisi boiynsha sotqa deiingi tergeý júrgizip jatyr, dep habarlaidy "Ult aqparat" Qostanai oblysynyń politsiia departamentine silteme jasap.
3 mamyrda Arqalyq qalasynyń politsiia bólimine aýrýhanadan 17 jáne 25 jastaǵy turǵyndardyń jaraqat alǵandyǵy týraly habarlama túsken. Olar bilek pen jambas tusynan oq tiip, jedel járdem bólimine jetkizilgen.
«Alǵashqy tergeý áreketteri barysynda qyzdardyń Maiasova kóshesimen ótip bara jatyp tarsyldy estigeni, sodan keiin qol-aiaqtaryna jaraqat túskeni anyqtaldy. Qyzdar aýrýhanaǵa jetkizilip, olarǵa alǵashqy meditsinalyq kómek kórsetildi. Qazirgi ýaqytta «Densaýlyqqa qasaqana aýyr ziian keltirý» baby boiynsha sotqa deiingi tergeý amaldary júrgizilýde. Oqiǵa ornynda pnevmatikalyq qarýdyń oǵy tabyldy», – dep túsindirdi politsiia departamentinde. Qazirgi ýaqytta saraptama taǵaiyndalyp, tergeý júrip jatyr.
«Politsiia ákesine tiesili pnevmatikalyq myltyqtan oq atqan 15 jastaǵy jasóspirimniń kim ekenin anyqtady. Qazirgi ýaqytta ata-anasyna qatysty «Kámeletke tolmaǵan balany tárbieleý jónindegi mindetterdi oryndamaý» baby boiynsha ákimshilik is qozǵaldy», – dedi politsiiada.
