Shahmet Qusaiynov atyndaǵy Aqmola oblystyq qazaq mýzykalyq-drama teatrynda Elbasynyń «Rýhani jańǵyrý» baǵdarlamasy men «Uly dalanyń jeti qyry» maqalasyndaǵy mindetterdi júzege asyrý jáne Jastar jylynyń aiasynda ánshi-kompozitor Birjan saldyń 185 jyldyǵy men Balýan Sholaqtyń 155 jyldyǵyna arnalǵan «Arqa áýenderi» aimaqaralyq dástúrli ánshiler baiqaýynyń gala kontserti ótti.
Qatysýshylar ózderi joldaǵan beinematerialdar boiynsha iriktelip alynǵan. Úlken sahnaǵa sol irikteý synynan súrinbei ótken on dástúrli ánshi shyǵyp, ónerlerin ortaǵa saldy. Ónerpazdar Soltústik Qazaqstan, Ortalyq Qazaqstan oblystarynan jáne Nur-Sultan qalasynan keldi. Sonymen qatar, Býrabai, Tselinograd aýdandarynan, Kókshetaý qalasynan qatysýshylar boldy.
Qazylar alqasynyń quramynda «Shabyt» halyqaralyq shyǵarmashylyq jas-tar festivaliniń laýreaty, Birjan sal atyndaǵy mýzykalyq kolledjdiń direktory Saian Muhamediiarov, Qazaqstan Respýblikasynyń eńbek sińirgen ártisi Bisara Mákenova, Qazaqstan Respýblikasynyń eńbek sińirgen qairatkeri Erlan Rysqali jáne «Shabyt» halyqaralyq jastar festivaliniń laýrea-ty Elmira Tóleýbaeva, Respýblikalyq baiqaýlardyń laýreaty, Úkili Ybyrai atyndaǵy oblystyq filarmoniianyń ártisi Sársenbai Hasenov boldy.
Bul baiqaýdyń talaptary bo-iynsha qatysýshylar jergilikti kompozitorlardyń, sal-serilerdiń bir-bir ánin oryndaý qajet bolatyn. Eń birinshi án mátinin qanshalyqty taza, áýenin keltire oryndaǵanyna, kúi qaǵystarynyń jinaqylyǵyna mán berildi. Ánniń sheber jetkizilýi men daýystyń qýatyna, oryndaýshynyń án mátinin qanshalyqty túsinip, sezine aitqanyna basa nazar aýdaryldy.
Kontserttiń shymyldyǵyn Tselinograd aýdanynan kelgen Rahat Bekasylov Birjan saldyń «Jalǵyz arsha» ánimen ashty. Kesh boiy Arqa dúldúlderi Birjan sal, Aqan seri, Balýan Sholaq, Úkili Ybyrai men Iman Júsiptiń keń tynysty ánderi oryndaldy.
Qazaqstan Respýblikasynyń eńbek sińirgen qairatkeri Erlan Rysqalidiń aitýynsha, ulttyq ónerdi jandandyrý, ony nasihattaý el kelesheginiń qorǵany bolmaq.
–Jahandaný zamanynda álemniń túkpir-túkpirinen aqparattyq aǵym degen bizdiń qazaqtyń ulttyq ideologiiasyna jan-jaqtan shabýyl jasap jatyr. Al, osynyń bárine qorǵan bolatyn, bizdiń qazaqtyń ulttyq óneri ǵana. Keshegi Ámire, Birjandardyń, Qali Baijanov, Júsipbek, Manarbek, Ǵarifolla syndy myqty-myqty jampoz ánshilerdiń saqtalyp jetken úntaspalaryn, taza kúiindegi jazbalaryn zamanaýi tehnikalardy paidalanyp, ony tazartyp, jańa tsifrlyq júiege engizip, jalpy buqaralyq halyqqa jetkizýimiz, nasihattaýymyz qajet, – deidi ánshi. Sonymen birge, ol kesh sońynda qonaq káde retinde Abai atamyzdyń «Segiz aiaq» ánin oryndady.
Festival qorytyndysy bo-iynsha úshinshi oryndy Býrabai aýdanynan kelgen Gúlim Qudysbek pen qaraǵandylyq Aqjigit Dáýletbek ielense, ekinshi oryndy tselinogradtyq Rahat Bekasylov jáne Kókshetaý qalasynyń ónerpazy Tólegen Aýanov jeńip aldy. Balýan Sholaq atyndaǵy júldemen birinshi orynǵa ie bolǵan kókshetaýlyq Shyńǵys Sársenbai marapattaldy. Birjan sal atyndaǵy bas júldeni Soltústik Qazaqstan oblysynyń qatysýshysy Birjan Esjanov jeńip alyp, júldege berilgen dombyramen Úkili Ybyraidyń «Qaldyrǵan» ánin áýelete shyrqady.
Aitolqyn AMANGELDI
