Foto:Sports.ru
Argentina quramasy úsh dúrkin álem chempiony atandy, - dep habarlaidy Massaget.kz portaly.
Katardaǵy álem chempionatynyń finalynda Argentina Frantsiia quramasymen kezdesti. Matchtiń basy tolyǵymen Argentina fýtbolshylarynyń basymdyǵymen ótti. Nátijesinde 23-minýtta Lionel Messi penaltiden gol soǵyp, esep ashty.
Kóp uzamai argentinalyqtardyń qarymta shabýyly kezinde Anhel di Mariia qaraýsyz qalyp, esepti eseledi.
Birinshi taim bitpei jatyp, frantsýzdar sapynda alańǵa tyń oiynshylar shyqty. Biraq úzilisten keiin de Frantsiia quramasy uzaq ýaqyt boiy qarsylas qaqpasyna soqqy baǵyttai almady. Sondyqtan Argentina jeńis esebin ustap qala alatyndai kóringen.
Bári 80-minýtta ózgerdi - Frantsiia penalti tebýge múmkindik aldy. Núktege kelgen Kilian Mbappe múlt ketpedi. Argentinalyqtar esin jiyp úlgergen joq, bir minýttan soń frantsýzdar tarazy basyn teńestirip tastady. Kilian Mbappe joiqyn soqqymen dýbl avtory atandy - 2:2.
Osylaisha, match overtaimǵa aýysty. Al ekinshi ekstra-taimda Messi gol soǵyp, Argentinany alǵa shyǵardy.
Biraq Frantsiia quramasy esepti qaita teńestirdi. Oiyn sońyna qarai frantsýzdar taǵy da penalti tebýge múmkindik aldy, Mbappe gol soǵyp, het-trik avtory atandy.
Sol sebepti dop dodasynyń jeńimpazy penalti seriiasynda anyqtaldy. Sheshýshi sátte Argentina fýtbolshylary dáldik tanytty.
Osylaisha, Argentina quramasy úsh dúrkin álem chempiony atanyp otyr.
