Zańger Meiirman Shekeev Májilis depýtaty Ardaq Nazarovtyń qyzmetine qatysty pikir bildirdi, dep habarlaidy ult.kz.
Zańger Meiirman Shekeev Orda.kz saityna bergen suhbatynda Májilis depýtattarynyń zań shyǵarý protsesindegi belsendiligine toqtaldy. Ol depýtat Ardaq Nazarov týraly óz kózqarasyn aitty.
Onyń aitýynsha, Ardaq Nazarovtyń zań shyǵarý jumystaryna qosqan naqty úlesi baiqalmaǵan.
«Men Ardaq Nazarovtyń bir zańǵa úlesin kórmedim. Qazybek Isa tilge qatysty bir jiynǵa shaqyrǵanda ǵana kórdim. Maǵan qatty unaǵany Rinat boldy. Nazarov jazyp ákeldi. Tildiń taǵdyry sheshilip jatqanda ol shyǵarma oqyp turdy», – dedi zańger.
Sondai-aq, Shekeev depýtattyq qyzmetke kelý kezinde aitylǵan ýádeler men naqty atqarylyp jatqan jumystar arasynda aiyrmashylyq bar ekenin meńzedi.
Áleýmettik jeli qoldanýshylary bul pikirdi qyzý talqylap, Májilis depýtattarynyń belsendiligi men jaýapkershiligi týraly túrli oilaryn bildirýde.
