Qazaqstanda ardagerlerdiń jańa sanattaryna engen azamattarǵa qandai járdemaqy beriledi? Bul suraqqa OKQ-da ótken baspasóz máslihatynda QR Eńbek jáne halyqty áleýmettik qorǵaý vitse-ministri Erlan Áýkenov jaýap berdi, dep habarlaidy QazAqparat.
«Ardagerlerdiń jańa sanattaryna engen azamattarǵa ai saiyn 4,8 AEK kóleminde, iaǵni 13 435 teńgelik arnaiy memlekettik járdemaqy taǵaiyndaý usynylyp otyr. Sonymen qatar olarǵa buryn kórsetilip kelgen jeńildikter men kepildikter kúshinde qalady», - dedi ol.
Eske sala ketsek osydan bir ai buryn Parlament Senatynyń jalpy otyrysynda «Ardagerler týraly» Zańy qabyldanǵan bolatyn. Zań jobasynyń negizgi maqsaty – ardagerlerdi áleýmettik qorǵaýǵa bailanysty qoǵamdyq qatynastardy retteitin zańnamalyq aktilerdi júieleý, qaita qaraý jáne ardagerlerdiń jańa sanattaryn qalyptastyrý.
«Birinshisi – ol UOS ardagerleri. Bul sanatqa soǵysqa qatysýshylar jáne UOS múgedekteri jatady. Ekinshisi basqa memleketterdiń aýmaǵynda urys qimyldarynyń ardagerlerine qatysty. Zań jobasyna sáikes, olarǵa Aýǵanstandaǵy urys qimyldaryna qatysqan áskeri qyzmetshiler, sondai-aq 1992 jyldan 2001 jylǵa deiingi kezeńde tájik-aýǵan ýchaskesinde TMD-nyń syrtqy shekaralarynyń syrtqy qorǵanysyn kúsheitýge qatysqan, 1968 jyly Chehoslovakiiadaǵy janjaldy retteýge, Taýly Qarabahtaǵy etnosaralyq janjaldy sheshýge, Iraktaǵy bitimgershilik operatsiialaryna qatysqan ulttyq kontingenke kiretin azamattar sanaty jatady», - dedi QR Eńbek jáne halyqty áleýmettik qorǵaý ministri Birjan Nurymbetov.
