Májilis depýtaty, Qazaqstan Respýblikasy «Ardagerler uiymy» respýblikalyq qoǵamdyq birlestiginiń ortalyq qeńesiniń tóraǵasy Baqtyqoja Izmuhambetov Memleket basshysy qol qoiǵan «Ardagerler týraly» Zańǵa qatysty pikir aitty, dep habarlaidy QazAqparat.
«Bul zań Jeńistiń 75 jyldyǵy qarsańynda qabyldanýy simvoldyq mánge ie. Bul qujat ardagerler sanatyna engen adamdar úshin kepildikter men jeńildikterdi qamtydy. Osy oraida buǵan deiin túrli zańdarda qarastyrylǵan kepildikter men jeńildikterdiń barlyǵy shoǵyrlandy», - dedi B. Izmuhambetov .
Sonymen qatar ol osy baǵytta zańnamany ary qarai jetildirý boiynsha jumystar jalǵasyn tabatynyn atap ótti.
«Bul zańmen osyǵan deiin qarastyrylmaǵan jeńildikter men járdemaqylar túrli sanattar úshin eskerildi», - dedi depýtat.
Sonymen qatar ol zań Úkimet múmkindikterin eskere otyryp qabyldanǵanyn atap ótti.
Osyndai zańnamany qabyldaý burynnan qarastyrylǵanyna toqtalǵan B. Izmuhambetov : «Zań barlyq tiisti instantsiialardan ótip, oǵan Prezident qol qoidy. Osy mańyzdy qujattyń qabyldanýymen barsha ardagerlerdi quttyqtaimyn!», - dedi.
Budan buryn habarlanǵandai, 30 sáýir kúni Parlament Senatynyń jalpy otyrysynda «Ardagerler týraly» Zańy qabyldandy.
Zań jobasynyń negizgi maqsaty – ardagerlerdi áleýmettik qorǵaýǵa bailanysty qoǵamdyq qatynastardy retteitin zańnamalyq aktilerdi júieleý, qaita qaraý jáne ardagerlerdiń jańa sanattaryn qalyptastyrý.
Sonymen qatar, jalpy otyrysta «Qazaqstan Respýblikasynyń keibir zańnamalyq aktilerine áleýmettik qamsyzdandyrý máseleleri boiynsha ózgerister men tolyqtyrýlar engizý týraly» ilespe Zań eki oqylymda qaralyp, qabyldandy.
Ony ázirleý qajettiligi birqatar zańnamalyq aktilerdi «Ardagerler týraly» zań jobasyna sáikes keltirýmen bailanysty. Negizgi jańa ózgerister áleýmettik tólemderge qatysty bolyp otyr.
