QR Prezidenti Jarlyǵymen bekitilgen 10 ulttyq jobany 10 iri memlekettik baǵdarlama desek bolady. Bul jaiynda TALAP.Talks alańynda suqbat bergen QR Strategiialyq josparlaý jáne reformalar agenttiginiń tóraǵasy, «Astana» HQO basqarýshysy Qairat Kelimbetov aitty, dep habarlaidy QazAqparat.
«Jalpy, Úkimet úshin de, memleket úshin de 10 ulttyq jospar men biriktirilgen 9 úlken kórsetkish bar. Bul, máselen, ortasha ómir súrý uzaqtyǵyn 75jasqa deiin jetkizý. Búkil el osy baǵytta jumys isteýi qajet. Óitkeni, onda azamattardyń qaýipsizdigi men densaýlyǵy, kólik qaýipsizdigi qamtylǵan. Onyń tóńireginde óte kóp másele bar», - dedi agenttik basshysy suqbat barysynda.
Sonymen qatar ol atalǵan ulttyq jobalardyń aiasynda kóptegen jańa jumys ornynyń ashylatyndyǵyn aitady.
«Aitalyq, qazir 1 mln-nan astam jańa jumys ornyn ashý mindeti júktelip otyr. Qazirgi ýaqytta demografiialyq ósim bar ekendigin jaqsy túsinemiz jáne eńbek naryǵyna jas býyn kóptep kelip jatyr. Bizde el jalqynyń jartysyn Táýelsizdik jastary qurap otyr. Mine,osy demografiialyq ósimge infraqurylymdarymyz qaitadan daiyn bolýy qajet», - dedi Qairat Kelimbetov.
Agenttik basshysy ulttyq jobalardan týyndaityn 9 megaindikator bolatyndyǵyn alǵa tartady.
«Túptep kelgende árbir ulttyq jobany iri-iri 10 memlekettik baǵdarlama desek bolady», - dedi ol.
