قر پرەزيدەنتٸ جارلىعىمەن بەكٸتٸلگەن 10 ۇلتتىق جوبانى 10 ٸرٸ مەملەكەتتٸك باعدارلاما دەسەك بولادى. بۇل جايىندا TALAP.Talks الاڭىندا سۇقبات بەرگەن قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ تٶراعاسى, «استانا» حقو باسقارۋشىسى قايرات كەلٸمبەتوۆ ايتتى, دەپ حابارلايدى قازاقپارات.
«جالپى, ٷكٸمەت ٷشٸن دە, مەملەكەت ٷشٸن دە 10 ۇلتتىق جوسپار مەن بٸرٸكتٸرٸلگەن 9 ٷلكەن كٶرسەتكٸش بار. بۇل, مەسەلەن, ورتاشا ٶمٸر سٷرۋ ۇزاقتىعىن 75جاسقا دەيٸن جەتكٸزۋ. بٷكٸل ەل وسى باعىتتا جۇمىس ٸستەۋٸ قاجەت. ٶيتكەنٸ, وندا ازاماتتاردىڭ قاۋٸپسٸزدٸگٸ مەن دەنساۋلىعى, كٶلٸك قاۋٸپسٸزدٸگٸ قامتىلعان. ونىڭ تٶڭٸرەگٸندە ٶتە كٶپ مەسەلە بار», - دەدٸ اگەنتتٸك باسشىسى سۇقبات بارىسىندا.
سونىمەن قاتار ول اتالعان ۇلتتىق جوبالاردىڭ اياسىندا كٶپتەگەن جاڭا جۇمىس ورنىنىڭ اشىلاتىندىعىن ايتادى.
«ايتالىق, قازٸر 1 ملن-نان استام جاڭا جۇمىس ورنىن اشۋ مٸندەتٸ جٷكتەلٸپ وتىر. قازٸرگٸ ۋاقىتتا دەموگرافييالىق ٶسٸم بار ەكەندٸگٸن جاقسى تٷسٸنەمٸز جەنە ەڭبەك نارىعىنا جاس بۋىن كٶپتەپ كەلٸپ جاتىر. بٸزدە ەل جالقىنىڭ جارتىسىن تەۋەلسٸزدٸك جاستارى قۇراپ وتىر. مٸنە,وسى دەموگرافييالىق ٶسٸمگە ينفراقۇرىلىمدارىمىز قايتادان دايىن بولۋى قاجەت», - دەدٸ قايرات كەلٸمبەتوۆ.
اگەنتتٸك باسشىسى ۇلتتىق جوبالاردان تۋىندايتىن 9 مەگاينديكاتور بولاتىندىعىن العا تارتادى.
«تٷپتەپ كەلگەندە ەربٸر ۇلتتىق جوبانى ٸرٸ-ٸرٸ 10 مەملەكەتتٸك باعدارلاما دەسەك بولادى», - دەدٸ ول.
