Árbir óńirde halyqtar dostyǵyna arnalǵan saiabaqtar ashýǵa bolady. Bul týraly Qazaqstan halqy Assambleiasynyń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Bizde orman-toǵai az. Belgili nárse. Sol sebepti men elimiz boiynsha 2 mlrd tal egý týraly bastama kóterdim. Buǵan qosa, eldi mekenderge 15 mln kóshet otyrǵyzý qajettigin aittym. Assambleianyń belsendi jastary osy ideiany júzege asyrýǵa atsalysady dep senemin. Árbir óńirde halyqtar dostyǵyna arnalǵan saiabaqtar ashýǵa bolady», - dedi Qasym-Jomart Toqaev.
QR Prezidentiniń atap ótýinshe, búkil álemge ózimizdi tabiǵatqa qamqorlyqpen qaraityn, bolashaq urpaqtyń qaýipsiz ári jaily bolýyna jaǵdai jasaityn ult retinde tanytýymyz qajet.
