ەربٸر ٶڭٸردە حالىقتار دوستىعىنا ارنالعان ساياباقتار اشۋعا بولادى. بۇل تۋرالى قازاقستان حالقى اسسامبلەياسىنىڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«بٸزدە ورمان-توعاي از. بەلگٸلٸ نەرسە. سول سەبەپتٸ مەن ەلٸمٸز بويىنشا 2 ملرد تال ەگۋ تۋرالى باستاما كٶتەردٸم. بۇعان قوسا, ەلدٸ مەكەندەرگە 15 ملن كٶشەت وتىرعىزۋ قاجەتتٸگٸن ايتتىم. اسسامبلەيانىڭ بەلسەندٸ جاستارى وسى يدەيانى جٷزەگە اسىرۋعا اتسالىسادى دەپ سەنەمٸن. ەربٸر ٶڭٸردە حالىقتار دوستىعىنا ارنالعان ساياباقتار اشۋعا بولادى», - دەدٸ قاسىم-جومارت توقاەۆ.
قر پرەزيدەنتٸنٸڭ اتاپ ٶتۋٸنشە, بٷكٸل ەلەمگە ٶزٸمٸزدٸ تابيعاتقا قامقورلىقپەن قارايتىن, بولاشاق ۇرپاقتىڭ قاۋٸپسٸز ەرٸ جايلى بولۋىنا جاعداي جاسايتىن ۇلت رەتٸندە تانىتۋىمىز قاجەت.
