«Kópshiligi jańa jylda jańa maqsattar qoiyp, tizim jasaidy. Bireýler temekini tastaimyn dese, taǵy bireýleri sportpen shuǵyldanýdy qolǵa alamyn dep sert beredi. Sońǵy jyldary jelige ýaqyt bólýdi azaitqysy keletin adamdar qatary artty», dep jazady Le Figaro basylymy.
Avtor qazirgi tańda óz qolynyń jalǵasyna ainalyp ketken smartfondardan demalǵysy keletinderdiń qatary kún sanap artyp jatqanyn aitady.
«Tsifrlyq tehnologiia bizdiń kúndelikti ómirimizdi jutyp jiberedi. Elabe júrgizgen zertteýge sensek, adamdardyń 60%-y smartfonsyz bir kún de júre almaidy. Al árbir ekinshi adam on minýt saiyn telefon nemese planshetine qaraidy», dep jazady avtor.
Basylymnyń habarlaýynsha, ǵalymdar adamdar telefonǵa qaraǵan kezde qysqamerzimdi rahat sezimine bóleitin domafin gormony bólinetinin, sol sebepti smartfonnan ajyraý qiyn ekenin anyqtaǵan.
«Telefonnan tolyq qol úzý múmkin emes, degenmen ony durys paidalanýdy úirený kerek. Osy tártip saqtalǵanda ǵana telefon tiimdi quralǵa ainalady. Tehnologiia adamdarǵa qyzmet etedi, al onyń qoldanylýy belgili bir deńgeide adamǵa qaýip tóndire alady», deidi jazba avtory.
