«كٶپشٸلٸگٸ جاڭا جىلدا جاڭا ماقساتتار قويىپ, تٸزٸم جاسايدى. بٸرەۋلەر تەمەكٸنٸ تاستايمىن دەسە, تاعى بٸرەۋلەرٸ سپورتپەن شۇعىلدانۋدى قولعا الامىن دەپ سەرت بەرەدٸ. سوڭعى جىلدارى جەلٸگە ۋاقىت بٶلۋدٸ ازايتقىسى كەلەتٸن ادامدار قاتارى ارتتى», دەپ جازادى Le Figaro باسىلىمى.
اۆتور قازٸرگٸ تاڭدا ٶز قولىنىڭ جالعاسىنا اينالىپ كەتكەن سمارتفونداردان دەمالعىسى كەلەتٸندەردٸڭ قاتارى كٷن ساناپ ارتىپ جاتقانىن ايتادى.
«تسيفرلىق تەحنولوگييا بٸزدٸڭ كٷندەلٸكتٸ ٶمٸرٸمٸزدٸ جۇتىپ جٸبەرەدٸ. Elabe جٷرگٸزگەن زەرتتەۋگە سەنسەك, ادامداردىڭ 60%-ى سمارتفونسىز بٸر كٷن دە جٷرە المايدى. ال ەربٸر ەكٸنشٸ ادام ون مينۋت سايىن تەلەفون نەمەسە پلانشەتٸنە قارايدى», دەپ جازادى اۆتور.
باسىلىمنىڭ حابارلاۋىنشا, عالىمدار ادامدار تەلەفونعا قاراعان كەزدە قىسقامەرزٸمدٸ راحات سەزٸمٸنە بٶلەيتٸن دومافين گورمونى بٶلٸنەتٸنٸن, سول سەبەپتٸ سمارتفوننان اجىراۋ قيىن ەكەنٸن انىقتاعان.
«تەلەفوننان تولىق قول ٷزۋ مٷمكٸن ەمەس, دەگەنمەن ونى دۇرىس پايدالانۋدى ٷيرەنۋ كەرەك. وسى تەرتٸپ ساقتالعاندا عانا تەلەفون تيٸمدٸ قۇرالعا اينالادى. تەحنولوگييا ادامدارعا قىزمەت ەتەدٸ, ال ونىڭ قولدانىلۋى بەلگٸلٸ بٸر دەڭگەيدە ادامعا قاۋٸپ تٶندٸرە الادى», دەيدٸ جازبا اۆتورى.
