Foto: freepik.com
Soltústik Araldy saqtaý jobasynyń alǵashqy kezeńi nátijesinde teńizdegi sý kólemi 42 paiyzǵa ulǵaidy, dep habarlaidy Ult.kz Orda.kz-ke silteme jasap.
Sý resýrstary jáne irrigatsiia ministrligi teńizdegi sý kólemi 27 milliard tekshe metrge jetkenin málimdedi. Teńiz sýynyń tuzdylyǵy tórt esege jýyq tómendep, jyl saiynǵy balyq aýlaý kórsetkishi 8 myń tonnaǵa deiin jetti.
Ministrlik «Aral teńiziniń Soltústik bóligin qalpyna keltirý» jobasyn ázirlep jatyr. Joba 3 negizgi baǵytty qamtidy. Onyń ishinde Soltústik Aral teńizinde sý jinaqtaýdyń kólemi men tiimdiligin arttyrý da qarastyrylǵan.
Aita keteiik, Sý resýrstary jáne irrigatsiia ministrligi 2024 jyly Aralǵa 2,6 mlrd tekshe metrge jýyq sý jiberdi.
