Foto: ©QazaqGeography
Qyzylorda oblysynyń ákimi Nurlybek Nálibaev Aral teńizindegi ekologiialyq jaǵdai týraly aitty, - dep habarlaidy Tengrinews.kz saity.
Jyl saiyn keýip qalǵan Aral teńiziniń túbinen on million tonna tuzdy qum jelmen ushyp ketedi. Olar myńdaǵan shaqyrymǵa taralady. Qyzylorda oblysy ákiminiń sózinshe, sekseýil egý - teńizden tuzdy qumnyń ushyp ketpeýiniń birden-bir joly.
"Ókinishke qarai, sońǵy jyldary klimatqa bailanysty birqatar el sý tapshylyǵyn sezinip jatyr. Sońǵy 12 jylda Syrdariia ózeninen Aral teńizine keletin sý kólemi 8,5 milliard tekshe metrge azaidy. Araldan tuzdy qumnyń ushyp ketpeýiniń bir ǵana joly - sekseýil egý", - dedi Nurlybek Nálibaev.
Memleket basshysy 2021-2025 jyldar aralyǵynda 1 million 100 myń gektar jerge sekseýil egý týraly arnaiy tapsyrma berdi.
"Sońǵy eki jylda 2021-2022 jyldary 350 myń gektarǵa sekseýil ektik. Biyl da 250 myń gektar alqapqa sekseýil egý jumystaryn júrgizip jatyrmyz. Bul jumystar aiaqtalsa, Araldyń ormandy alqaby ulǵaiady. Bul tuzdy qumnyń ushyp ketýine jol bermeidi. Azdaǵan bolsa da ekologiianyń jaqsarýyna yqpal etedi", - dedi ákim.
Aral teńiziniń keýip qalǵan túbin abattandyrý osydan 20 jyl buryn bastalǵan. Osy jyldar ishinde 200 myń gektardan astam alqapqa sekseýil egý úshin túrli ádister qoldanyldy. Tabiǵi protsestiń arqasynda bul aýmaqta 400 myń sekseýil ósti.
