فوتو: ©QazaqGeography
قىزىلوردا وبلىسىنىڭ ەكٸمٸ نۇرلىبەك نەلٸباەۆ ارال تەڭٸزٸندەگٸ ەكولوگييالىق جاعداي تۋرالى ايتتى, - دەپ حابارلايدى Tengrinews.kz سايتى.
جىل سايىن كەۋٸپ قالعان ارال تەڭٸزٸنٸڭ تٷبٸنەن ون ميلليون توننا تۇزدى قۇم جەلمەن ۇشىپ كەتەدٸ. ولار مىڭداعان شاقىرىمعا تارالادى. قىزىلوردا وبلىسى ەكٸمٸنٸڭ سٶزٸنشە, سەكسەۋٸل ەگۋ - تەڭٸزدەن تۇزدى قۇمنىڭ ۇشىپ كەتپەۋٸنٸڭ بٸردەن-بٸر جولى.
"ٶكٸنٸشكە قاراي, سوڭعى جىلدارى كليماتقا بايلانىستى بٸرقاتار ەل سۋ تاپشىلىعىن سەزٸنٸپ جاتىر. سوڭعى 12 جىلدا سىردارييا ٶزەنٸنەن ارال تەڭٸزٸنە كەلەتٸن سۋ كٶلەمٸ 8,5 ميلليارد تەكشە مەترگە ازايدى. ارالدان تۇزدى قۇمنىڭ ۇشىپ كەتپەۋٸنٸڭ بٸر عانا جولى - سەكسەۋٸل ەگۋ", - دەدٸ نۇرلىبەك نەلٸباەۆ.
مەملەكەت باسشىسى 2021-2025 جىلدار ارالىعىندا 1 ميلليون 100 مىڭ گەكتار جەرگە سەكسەۋٸل ەگۋ تۋرالى ارنايى تاپسىرما بەردٸ.
"سوڭعى ەكٸ جىلدا 2021-2022 جىلدارى 350 مىڭ گەكتارعا سەكسەۋٸل ەكتٸك. بيىل دا 250 مىڭ گەكتار القاپقا سەكسەۋٸل ەگۋ جۇمىستارىن جٷرگٸزٸپ جاتىرمىز. بۇل جۇمىستار اياقتالسا, ارالدىڭ ورماندى القابى ۇلعايادى. بۇل تۇزدى قۇمنىڭ ۇشىپ كەتۋٸنە جول بەرمەيدٸ. ازداعان بولسا دا ەكولوگييانىڭ جاقسارۋىنا ىقپال ەتەدٸ", - دەدٸ ەكٸم.
ارال تەڭٸزٸنٸڭ كەۋٸپ قالعان تٷبٸن اباتتاندىرۋ وسىدان 20 جىل بۇرىن باستالعان. وسى جىلدار ٸشٸندە 200 مىڭ گەكتاردان استام القاپقا سەكسەۋٸل ەگۋ ٷشٸن تٷرلٸ ەدٸستەر قولدانىلدى. تابيعي پروتسەستٸڭ ارقاسىندا بۇل اۋماقتا 400 مىڭ سەكسەۋٸل ٶستٸ.
