Qyzylordada úsh kún buryn joǵalǵan 46 jastaǵy ańshy jigit aman-esen tabyldy, dep habarlaidy "Ult aqparat".
Budan buryn habarlaǵanymyzdai, 27 qazan kúni Aral aýdanyna qarasty Qaratereń eldi mekeninde úsh adamnan turatyn ańshylar toby qus atýǵa shyqqan. Birshama ýaqyttan keiin Aqtóbe oblysynda turatyn 46 jastaǵy azamat joǵalyp ketken. Dostary ony óz betinshe izdeýge tyrysqanymen, nátije shyqpaǵan. Kelesi kúni de er adamdy tabý múmkin bolmaǵan. Al 29 qazanda izdeý jumystaryna Qyzylorda oblysy Órt sóndirý qyzmetiniń jedel-qutqarý jasaǵynan, jergilikti politsiiadan jáne aýdan ákimdiginen mamandar jumyldyryldy. Degenmen ol óz nátijesin bergen joq.
Bul shara búgin de jalǵasty. Órt sóndirý qyzmetiniń jedel-qutqarý jasaǵy «Kókaral» plotinasynan 30 shaqyrym ári qarai izdeý sharalaryn ańshylar tobymen qolǵa aldy.
«Nátijesinde saǵat 8.45-te joǵalǵan azamattyń tabylǵany týraly habar tústi. Ony ańshylar taýyp alyp, qutqarýshylarǵa habar berdi. Ol ańshylar turaǵynan 8 shaqyrymǵa uzap ketken. Oqiǵa ornyna jedel jetken qutqarýshylar joldan adasqan ańshyǵa alǵashqy meditsinalyq jáne psihologiialyq kómek kórsetti», - dep málim etti oblystyq Tótenshe jaǵdailar departamenti órt sóndirý jáne avariialyq-qutqarý jumysy qyzmetinen.
