foto: baigenews.kz
Halyqaralyq balalardy qorǵaý kúninde elimizdiń ár óńirinen 34 oqýshy Prezidenttiń rezidentsiiasyna bardy. Olarǵa tanymdyq ekskýrsiia uiymdastyryldy. Balalar Qazaqstan Respýblikasy Prezidentiniń keńsesinde boldy. Sondai-aq elordanyń jas qonaqtary Memleket basshysynyń atynan estelik syilyqtar aldy, dep habarlaidy BǴM baspasóz qyzmeti.
Balalar jyly aiasynda az qamtylǵan, kóp balaly otbasy balalary, jetim balalar, oqý ozattary, sondai-aq 10-14 jas aralyǵyndaǵy ziiatkerlik jáne shyǵarmashylyq baiqaýlardyń jeńimpazdary men júldegerleri Nur-Sultan qalasyn aralaýǵa joldama aldy. Oqýshylardyń aitýynsha, bul sapar endi olardyń esinde máńgi saqtalady.
«Búgin biz «Aqorda» rezidentsiiasyn araladyq. Onyń syrty qandai ádemi bolsa, ishi de sondai ádemi. Biz kóptegen zaldy araladyq, biraq maǵan Shyǵys zaly erekshe unady. Aqordada bolǵanymda, onda jumys isteitinderdiń biz úshin jáne «jańa Qazaqstan» úshin bárin jasap jatqanyna kózim jetti», - dep aitty elordaǵa Taldyqorǵannan kelgen 6-synyp oqýshysy Aqbota Bolat alǵan áseri týraly.
«Aqordada óte qyzyqty jáne áserli ekskýrsiia boldy. Men elimizdiń tarihy týraly kóptegen qyzyqty derekti tyńdadym. Sońynda bizge daiyndalǵan tosyn syi erekshe unady. Sebebi bizge planshetter syilady», – deidi jas almatylyq Erasyl Serikov.
«Meni ekskýrsiiaǵa jibergen muǵalimderime jáne mektep direktoryna alǵys aitqym keledi. Aqordany aralaý óte qyzyqty boldy, kóptegen jańa aqparat aldym. Men óz dostarymdy, balalardy Halyqaralyq balalardy qorǵaý kúnimen quttyqtaǵym keledi. Barlyq tilek oryndala bersin. Sondai-aq Memleket basshysyna da keremet syilyǵy úshin alǵys aitqym keledi», – deidi qaraǵandylyq Arýjan Erasynova.
Óńirlerden kelgen oqýshylar elordanyń basqa da kórikti jerlerin aralady. Olar Oqýshylar saraiynda, Ulttyq mýzeide, astanalyq tsirkte bolyp, «Báiterek» monýmenti men «AILAND» otbasylyq demalys ortalyǵynda boldy.
