Búgin qyzmetinen bosatylǵan Shymkent qalasynyń burynǵy ákimi Ǵabidolla Ábdirahymov shymkenttikterge alǵys aitty, dep habarlaidy "Ult aqparat" eks-ákimniń áleýmettik jelidegi paraqshasyna silteme jasap.
«Qurmetti Shymkent qalasynyń turǵyndary! Qymbatty dostar! Men úshin Shymkent qalasynyń ákimi bolyp jumys istegenim - úlken mártebe jáne maqtanysh. Osyndai múmkinshilik bergen Elbasymyzǵa, Prezidentimizge alǵys aitamyn. Qoldan kelgenshe qalanyń damýyna áriptestermen birge atsalystym. Men Shymkent halqyna óte rizamyn. Sizder árqashan meni qoldadyńyzdar. Ózimdi óte baqytty adam retinde sezinip júrdim. Ár nárseniń sońy bolady bul ómirde. Jańalyqtar da bolady. Jańadan kelgen qala basshysyna sáttilik tileimin. Barlyqtaryńyzǵa úlken alǵys aityp, basymdy iemin. Aman bolyńyzdar. Shymkent jainai bersin!», - dep jazdy Ǵabidolla Ábdirahymov Instagram paraqshasynda.
Eske sala keteiik, búgin Memleket basshysynyń Jarlyǵymen Ǵabidolla Ábdirahymov Shymkent qalasynyń ákimi laýazymynan bosatyldy. Onyń ornyna osy kúnge deiin Otyrar aýdanyn basqaryp kelgen Erlan Aitahanov taǵaiyndaldy. Al Qyrymbek Kósherbaev Ǵabidolla Ábdirahymovtyń bilik artqan senimdi aqtamaǵanyn aitty.
