بٷگٸن قىزمەتٸنەن بوساتىلعان شىمكەنت قالاسىنىڭ بۇرىنعى ەكٸمٸ عابيدوللا ەبدٸراحىموۆ شىمكەنتتٸكتەرگە العىس ايتتى, دەپ حابارلايدى "ۇلت اقپارات" ەكس-ەكٸمنٸڭ ەلەۋمەتتٸك جەلٸدەگٸ پاراقشاسىنا سٸلتەمە جاساپ.
«قۇرمەتتٸ شىمكەنت قالاسىنىڭ تۇرعىندارى! قىمباتتى دوستار! مەن ٷشٸن شىمكەنت قالاسىنىڭ ەكٸمٸ بولىپ جۇمىس ٸستەگەنٸم - ٷلكەن مەرتەبە جەنە ماقتانىش. وسىنداي مٷمكٸنشٸلٸك بەرگەن ەلباسىمىزعا, پرەزيدەنتٸمٸزگە العىس ايتامىن. قولدان كەلگەنشە قالانىڭ دامۋىنا ەرٸپتەستەرمەن بٸرگە اتسالىستىم. مەن شىمكەنت حالقىنا ٶتە ريزامىن. سٸزدەر ەرقاشان مەنٸ قولدادىڭىزدار. ٶزٸمدٸ ٶتە باقىتتى ادام رەتٸندە سەزٸنٸپ جٷردٸم. ەر نەرسەنٸڭ سوڭى بولادى بۇل ٶمٸردە. جاڭالىقتار دا بولادى. جاڭادان كەلگەن قالا باسشىسىنا سەتتٸلٸك تٸلەيمٸن. بارلىقتارىڭىزعا ٷلكەن العىس ايتىپ, باسىمدى يەمٸن. امان بولىڭىزدار. شىمكەنت جايناي بەرسٸن!», - دەپ جازدى عابيدوللا ەبدٸراحىموۆ Instagram پاراقشاسىندا.
ەسكە سالا كەتەيٸك, بٷگٸن مەملەكەت باسشىسىنىڭ جارلىعىمەن عابيدوللا ەبدٸراحىموۆ شىمكەنت قالاسىنىڭ ەكٸمٸ لاۋازىمىنان بوساتىلدى. ونىڭ ورنىنا وسى كٷنگە دەيٸن وتىرار اۋدانىن باسقارىپ كەلگەن ەرلان ايتاحانوۆ تاعايىندالدى. ال قىرىمبەك كٶشەرباەۆ عابيدوللا ەبدٸراحىموۆتىڭ بيلٸك ارتقان سەنٸمدٸ اقتاماعانىن ايتتى.
