QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev uialy bailanys operatorlarynan abonentterge qaýipsizdik sertifikatyn ornatý habarlamasyna qatysty pikir bildirdi, dep habarlaidy QazAqparat.
«Balalarǵa internette ekstremistik, lańkestik sipattaǵy jáne basqa da teris mándegi materialdardy kórý paidaly ma?! Qaýipsizdik sertifikaty osy máselelerdi sheshetin bolady. Atalǵan sertifikatty ornatýdy ár adam erikti negizde júrgizedi. Eger de jaqyndaryńyzǵa, balalarǵa alańdasańyz, qaýipsizdik sertifikatyn ornatasyz, al eger qajet emes dep sanasańyz, onda ornatpaýǵa eriktisiz. Sertifikattyń taǵy bir paidaly jaǵy – ol aqparattyq qaýipsizdikke qatysty problemalardy sheshýge múmkindik beredi. Óitkeni saittardyń jumysyna kedergi keltiretin áreketter bolyp jatady», - dedi ministr.
Sonymen qatar A. Jumaǵaliev Qazaqstan halqynyń jeke málimetterin qorǵaý zańnamamen kepildik berilgenin atap ótti.
Budan buryn habarlanǵandai, operatorlar atalmysh silteme eldegi barlyq abonentterge taratylyp jatqanyn aitady.
Iaǵni, ázirge ondai SMS almaǵan adamdardyń alańdaýyna sebep joq. Silteme kelgen sátti kútip, ornatýǵa daiyn bolýy kerek. Mamandardyń aitýynsha, abonenttiń hakerlik shabýylǵa ushyraýy úshin kúmándi siltemege ótýi mindetti emes. Iaǵni qaýipsizdik júiesiniń sertifikaty bolmaǵan jaǵdaida internet arqyly paidalanatyn kóptegen qyzmetterge kiretin qupiia sózder men kodtardy urlaý ońai. Qaýipsizdik júiesiniń sertifikatyn ornatý osy úshin qajet.
