قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ ۇيالى بايلانىس وپەراتورلارىنان ابونەنتتەرگە قاۋٸپسٸزدٸك سەرتيفيكاتىن ورناتۋ حابارلاماسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بالالارعا ينتەرنەتتە ەكسترەميستٸك, لاڭكەستٸك سيپاتتاعى جەنە باسقا دا تەرٸس مەندەگٸ ماتەريالداردى كٶرۋ پايدالى ما?! قاۋٸپسٸزدٸك سەرتيفيكاتى وسى مەسەلەلەردٸ شەشەتٸن بولادى. اتالعان سەرتيفيكاتتى ورناتۋدى ەر ادام ەرٸكتٸ نەگٸزدە جٷرگٸزەدٸ. ەگەر دە جاقىندارىڭىزعا, بالالارعا الاڭداساڭىز, قاۋٸپسٸزدٸك سەرتيفيكاتىن ورناتاسىز, ال ەگەر قاجەت ەمەس دەپ ساناساڭىز, وندا ورناتپاۋعا ەرٸكتٸسٸز. سەرتيفيكاتتىڭ تاعى بٸر پايدالى جاعى – ول اقپاراتتىق قاۋٸپسٸزدٸككە قاتىستى پروبلەمالاردى شەشۋگە مٷمكٸندٸك بەرەدٸ. ٶيتكەنٸ سايتتاردىڭ جۇمىسىنا كەدەرگٸ كەلتٸرەتٸن ەرەكەتتەر بولىپ جاتادى», - دەدٸ مينيستر.
سونىمەن قاتار ا. جۇماعاليەۆ قازاقستان حالقىنىڭ جەكە مەلٸمەتتەرٸن قورعاۋ زاڭنامامەن كەپٸلدٸك بەرٸلگەنٸن اتاپ ٶتتٸ.
بۇدان بۇرىن حابارلانعانداي, وپەراتورلار اتالمىش سٸلتەمە ەلدەگٸ بارلىق ابونەنتتەرگە تاراتىلىپ جاتقانىن ايتادى.
ياعني, ەزٸرگە ونداي SMS الماعان ادامداردىڭ الاڭداۋىنا سەبەپ جوق. سٸلتەمە كەلگەن سەتتٸ كٷتٸپ, ورناتۋعا دايىن بولۋى كەرەك. مامانداردىڭ ايتۋىنشا, ابونەنتتٸڭ حاكەرلٸك شابۋىلعا ۇشىراۋى ٷشٸن كٷمەندٸ سٸلتەمەگە ٶتۋٸ مٸندەتتٸ ەمەس. ياعني قاۋٸپسٸزدٸك جٷيەسٸنٸڭ سەرتيفيكاتى بولماعان جاعدايدا ينتەرنەت ارقىلى پايدالاناتىن كٶپتەگەن قىزمەتتەرگە كٸرەتٸن قۇپييا سٶزدەر مەن كودتاردى ۇرلاۋ وڭاي. قاۋٸپسٸزدٸك جٷيەسٸنٸڭ سەرتيفيكاتىن ورناتۋ وسى ٷشٸن قاجەت.
