Aqtóbede «Quqyqtyq tártip» jedel-profilaktikalyq is-sharasy barysynda túngi klýbtardyń birinde zań buzýshylyqtar anyqtaldy. Politsiia oiyn-saýyq ornyn tekserý kezinde birneshe tyiym salynǵan zatty tárkiledi, dep habarlaidy ult.kz.
Klýbtyń erler dárethanasynan esirtkige uqsas úsh orama tabyldy. Sonymen qatar metall kastet pen eki jinalmaly pyshaq tárkilendi. Qazir alynǵan zattardyń quramyn anyqtaý úshin saraptama taǵaiyndaldy.
Tekserý kezinde bar sóresiniń mańynan tórt kalian da tabylǵan. Budan bólek, túngi ýaqytta klýbta 17 jastaǵy jasóspirimniń bolǵany anyqtaldy.
Politsiia bul derek boiynsha oiyn-saýyq ornynyń ákimshiligine qatysty birneshe ákimshilik hattama toltyrylǵanyn habarlady. Atap aitqanda, kámeletke tolmaǵandardyń túngi ýaqytta oiyn-saýyq oryndarynda bolýyna jol berý, temeki ónimderin tutynýǵa qatysty talaptardy buzý jáne alkogol ónimderin ótkizý salasyndaǵy zań talaptaryn saqtamaý faktileri tirkelgen.
Sondai-aq klýbtyń kúzet qyzmetkerleriniń tiisti eńbek shartynsyz jumys istegeni anyqtaldy.
Politsiia bólimine barlyǵy 17 adam jetkizildi.
Qazir tárkilengen zattardyń esirtkige nemese ainalymyna tyiym salynǵan ózge de zattarǵa qatysy bar-joǵy anyqtalyp jatyr. Politsiia olardyń zańsyz ainalymyna qatysy bolýy múmkin adamdardy anyqtaý boiynsha tergeý júrgizýde.
Saraptama nátijesi men tergeý qorytyndysy boiynsha kináli tulǵalardyń áreketine zań aiasynda quqyqtyq baǵa beriledi.
