Áleýmettik jelilerge júrgizilgen monitoring barysynda politsiia qyzmetkerleri jas jigittiń kólik basqarý kezinde óreskel jol erejelerin buzǵan beinejazbasyn anyqtady, dep habarlaidy ult.kz.
Aqtóbe qalasyndaǵy basty dańǵyldardyń birinde júrgizýshi jol qozǵalysynyń basqa qatysýshylaryna qaýip tóndire otyryp, jol qozǵalysy erejelerin qasaqana buzǵan. Onyń ústine óz áreketin beinekameraǵa túsirip, keiin áleýmettik jelilerde jariialaǵan.
Quqyq buzýshynyń jeke basy anyqtalyp, jas jigit politsiia bólimine jetkizildi. Tekserý nátijesinde jol qozǵalysy erejelerin buzǵany úshin oǵan qatysty 14 ákimshilik hattama toltyryldy. Avtokólik arnaiy turaqqa qoiyldy.
