Aqtóbe oblysynda bolǵan aýyr jol apatynan úsh adam kóz jumdy. Qaza tapqandar – Dóń ken-baiytý kombinatynyń jumysshylary, dep habarlaidy ult.kz.
Qaiǵyly oqiǵa keshe keshki ýaqytta Samara – Shymkent tasjolynyń Hromtaý qalasy mańynda bolǵan. Jol apatyna Audi jáne GAZel kólikteri qatysqan.
Aqtóbe oblystyq politsiia departamentiniń málimetinshe, soqtyǵys saldarynan Audi avtokóliginiń júrgizýshisi men bir jolaýshy oqiǵa ornynda qaza tapqan. Taǵy bir jolaýshy aýrýhanaǵa jetkizý kezinde kóz jumdy.
Marqum bolǵan azamattar Hromtaý óńirindegi Dóń ken-baiytý kombinatynda eńbek etken kenshiler. Olar apat kezinde jeke kóligimen júrgen.
Qazirgi ýaqytta jol-kólik oqiǵasynyń sebepteri men mán-jaiyn anyqtaý úshin sotqa deiingi tergeý júrgizilip jatyr.
