Aqtóbe oblysynda "Qarasora – 2026" jedel-profilaktikalyq is-sharasy barysynda quramynda esirtki zaty bar ósimdikterdi zańsyz ósirý deregi anyqtaldy, dep habarlaidy ult.kz.
Oblystyq politsiia departamentiniń esirtki qylmysyna qarsy is-qimyl basqarmasy qyzmetkerleri Aqtóbe qalasynyń 69 jastaǵy turǵynyna tiesili saiajai ýchaskesin tekserý kezinde gúlzarǵa egilgen 67 túp kóknárdi anyqtap, tárkiledi.
Atalǵan derek boiynsha quramynda esirtki zattary bar, ósirýge tyiym salynǵan ósimdikterdi zańsyz ósirý faktisi boiynsha sotqa deiingi tergep-tekserý bastaldy. Qazirgi ýaqytta qajetti saraptamalar taǵaiyndalyp, istiń mán-jaiyn anyqtaýǵa baǵyttalǵan tergeý amaldary júrgizilip jatyr.
Politsiia ókilderi Qazaqstan zańnamasyna sáikes quramynda esirtki nemese psihotroptyq zattary bar ósimdikterdi zańsyz ósirýge tyiym salynǵanyn eske salyp, mundai áreketter úshin zańda jaýapkershilik qarastyrylǵanyn eskertti.
