Aqtóbede soqqan qatty jel qala turǵyndaryna aitarlyqtai qolaisyzdyq týǵyzdy, dep habarlaidy ult.kz.
Qolaisyz aýa raiynyń saldarynan qala boiynsha ondaǵan aǵash qulap, olardyń birqatary jol jieginde turǵan avtokólikterge zaqym keltirgen. Sondai-aq jel avtoturaqtardyń shatyrlaryndaǵy proflistterdi julyp áketken.
Budan bólek, keibir turǵyn úiler ýaqytsha elektr qýatynsyz qalǵan. Qazirgi ýaqytta keltirilgen shyǵyn kólemi naqty eseptelip jatqan joq.
Sinoptikterdiń boljamynsha, aldaǵy kúnderi Aqtóbede jańbyrly aýa raiy saqtalady. Apta boiy jaýyn-shashyn túsip, aýa raiy qubylmaly bolýy múmkin.
Mamandar turǵyndardy saqtyq sharalaryn saqtaýǵa, qatty jel kezinde aǵashtardyń mańynda jáne jeńil konstrýktsiialardyń janynda turmaýǵa shaqyrady.
