Aqtóbe oblysynyń Áiteke bi aýdanynda 14 jastaǵy mektep oqýshysy sýǵa batyp qaitys boldy, dep habarlaidy ult.kz.
Qaiǵyly oqiǵa 22 shilde kúni keshke Aqqum aýylynyń mańynda bolǵan. Aldyn ala málimet boiynsha, 14 jáne 12 jastaǵy aǵaiyndy eki bala aýyldan shamamen úsh shaqyrym jerde mal baǵyp júrgen.
Osy kezde úlkeni erigen qar sýy jinalǵan, shomylýǵa tyiym salynǵan jyraǵa túsken. Alaida sýdan shyǵa almai, bata bastaǵan. Ony qutqarýǵa tyrysqan 12 jastaǵy inisi nátije shyǵara almai, politsiiaǵa habar bergen.
Aqtóbe oblystyq Tótenshe jaǵdailar departamentiniń málimetinshe, oqiǵa týraly aqparat politsiiadan túsken.
«Aqqum aýyly mańyndaǵy sý basqan aýmaqtan qutqarýshylar kámeletke tolmaǵan balanyń denesin alyp shyqty. Aldyn ala málimet boiynsha, jasóspirim sýǵa túsýge tyiym salynǵan jerde shomylyp jatqanda batyp ketken», – dep habarlady vedomstvo.
Áiteke bi aýdany ákimdiginiń málimetinshe, marqum tolyq otbasynda tárbielengen, segizinshi synyp oqýshysy bolǵan.
Bul – biylǵy shomylý maýsymy bastalǵaly Aqtóbe oblysynda tirkelgen sýǵa ketýdiń úshinshi qaiǵyly oqiǵasy.
