Aqtaýda Mańǵystaý oblystyq máslihatynyń depýtaty Erbol Aitýov plastikalyq otadan keiin qaitys boldy degen aqparattan soń klinikanyń bas dárigeri Artýr Tajiev málimdeme jasady, dep habarlaidy ult.kz.
Dáriger óz málimdemesin Instagram paraqshasynda jariialap, BAQ-ta atalǵan otaǵa qatysty aqparattyń birqatary shyndyqqa sáikes kelmeitinin aitty.
— Jariialanymdarda ota jasady dep kórsetilgen dáriger bul operatsiiany jasamaǵan. Sonymen qatar, klinikanyń litsenziiasy joq degen aqparat ta jalǵan, — dedi ol.
Artýr Tajiev klinikanyń meditsinalyq qyzmetti, onyń ishinde anesteziologiia jáne reanimatologiia salasyn 2015 jylǵy litsenziia negizinde júrgizip otyrǵanyn málimdedi. Sondai-aq ol naqty derekter resmi qujattarmen dáleldenetinin aityp, jalǵan aqparat taratpaýǵa shaqyrdy.
Eske salaiyq, buǵan deiin Mańǵystaý oblystyq máslihatynyń depýtaty Erbol Aitýov Aqtaýdaǵy plastikalyq operatsiiadan keiin kóz jumǵanyn habarlaǵan edi.
49 jastaǵy er adam iek tusyna liposaktsiia jasatý úshin klinikaǵa barǵan. Málimetke sáikes, 4 sáýir kúni narkoz engizý kezinde onyń jaǵdaiy kúrt nasharlap, qan qysymy men qandaǵy qant mólsheri kóterilgen. Saldarynan ishemiialyq insýlt alyp, komaǵa túsken. Bir aidan keiin ol qaitys boldy.
Keiin jospardan tys tekseris barysynda klinikadan birqatar zań buzýshylyq anyqtalǵan. Óńir prokýratýrasy materialdardyń politsiiaǵa joldanǵanyn habarlady. Qazirgi ýaqytta atalǵan jait boiynsha qylmystyq is qozǵalǵan.
