Aqtaý qalasyndaǵy Kaspii teńiziniń Skalnaia tropa aýmaǵynda profilaktikalyq reid júrgizip júrgen Mańǵystaý oblysy Tótenshe jaǵdailar departamentiniń qyzmetkerleri sýǵa qulaǵan áieldi der kezinde qutqaryp qaldy, dep habarlaidy ult.kz.
Aldyn ala málimetke sáikes, áiel katerge miný kezinde abaisyzda tepe-teńdigin joǵaltyp, teńizge qulaǵan. Oqiǵany baiqap qalǵan qutqarýshylar birden áreket etip, ony sýdan shyǵaryp, qaýipsiz jerge jetkizdi.
Qutqarý operatsiiasynyń jedel uiymdastyrylýynyń arqasynda áieldiń ómirine qaýip tóngen joq. Dárigerlerdiń kómegi qajet bolmaǵany habarlandy.
Tótenshe jaǵdailar ministrligi azamattardy shaǵyn kólemdi sý kólikterine miný jáne túsý kezinde qaýipsizdik talaptaryn qatań saqtaýǵa, sondai-aq sý aidyndarynyń mańynda asa muqiiat bolýǵa shaqyrady.
