Aqtaýda kriminaldyq politsiia qyzmetkerleri 215 elektrondy temeki men 31 qaptama sniýs tárkiledi, dep habarlaidy ult.kz.
Polisia.kz málimetinshe, 3 qyrkúiekte Aqtaýdyń 28A shaǵyn aýdanynda politseiler Changan avtokóligin toqtatyp, tekserý júrgizgen. Kólikten 64 dana WAKA elektrondy temekisi tabylyp, tárkilendi.
Odan ári júrgizilgen jedel is-sharalar barysynda qalanyń ónerkásiptik aimaǵyndaǵy garajdardyń birine tintý jasaldy. Nátijesinde taǵy 151 elektrondy temeki men 31 qaptama sniýs anyqtaldy.
Osylaisha, tárkilengen ónimderdiń jalpy sany 215 elektrondy temeki men 31 qaptama sniýsti qurady.
Qazir atalǵan derek boiynsha tekserý júrgizilip jatyr. Onyń qorytyndysy boiynsha zańnamaǵa sáikes tiisti protsestik sheshim qabyldanady.
Politsiia tyiym salynǵan ónimderdiń zańsyz ainalymy úshin jaýapkershilik qarastyrylǵanyn eske saldy.
