Mańǵystaý oblysynda Aqtaýdaǵy barlardyń birinde kelýshiler arasynda bolǵan janjaldan keiin atys uiymdastyrǵan er adamǵa sot úkimi shyqty, dep habarlaidy ult.kz.
Sot úkimimen er adam QR Qylmystyq kodeksiniń 293-baby 3-bóligi («Buzaqylyq») boiynsha kináli dep tanylyp, bes jylǵa bas bostandyǵynan aiyryldy. Bul týraly Mańǵystaý oblysynyń prokýratýrasyna silteme jasap Lada.kz habarlady.
Oqiǵa Aqtaýdyń 7A shaǵynaýdanynda ornalasqan barlardyń birinde bolǵan.
Buǵan deiin áleýmettik jelide atalǵan oqiǵanyń videosy taraǵan edi. Kadrlarda er adamǵa «Ańshy signaly» dep atalatyn iske qosý-signal berý qurylǵysynan betine oq atylǵany kórinedi. Saldarynan jábirlenýshi jaraqat alǵan.
Oqiǵa boiynsha politsiia buzaqylyq faktisimen qylmystyq is qozǵaǵan.
Tamyz aiynyń sońynda tergeý aiaqtalyp, QR Qylmystyq kodeksiniń 293-baby 3-bóligi boiynsha is sotqa joldanǵany habarlanǵan bolatyn. Atalǵan bap boiynsha bes jyldan jeti jylǵa deiin bas bostandyǵynan aiyrý jazasy qarastyrylǵan.
