Aqtaýda politsiia qyzmetkerleri kópqabatty turǵyn úidiń 10-qabatyndaǵy terezeniń syrtqy jaqtaýyna shyǵyp ketken balany aman alyp qaldy, dep habarlaidy ult.kz.
Mańǵystaý oblysy politsiia departamentiniń málimetinshe, «102» arnasyna Aqtaý qalasyndaǵy turǵyn úi keshenderiniń birinde balanyń ashyq terezeden syrtqa shyǵyp, ómirine qaýip tónip turǵany týraly habarlama túsken.
Oqiǵa ornyna patrýldik politsiia ekipajy jedel jetken. Politseiler kelgen kezde kámeletke tolmaǵan bala terezeden tolyq shyǵyp, ǵimarattyń syrtqy jaqtaýynda turǵan.
Politsiia qyzmetkerleriniń jedel ári úilesimdi áreketiniń arqasynda bala qaýipsiz jerge shyǵarylyp, aman-esen qutqaryldy.
Oqiǵanyń mán-jaiy anyqtalyp jatyr. Politsiia ata-analarǵa balalardy qaraýsyz qaldyrmaýǵa jáne terezelerdiń qaýipsizdigine erekshe kóńil bólýge shaqyrdy.
