Aqmola oblysynda er adam áielin qaýyp alǵan itti uryp óltirgen. Politseiler janýarǵa qatygezdik jasaý faktisi boiynsha qylmystyq isti tergep jatyr, dep habarlaidy ult.kz.
Politsiia málimetinshe, Jaqsy aýdany aýylynyń turǵyny aýyldasynyń úiine barǵan. Osy kezde bailaýdaǵy it shynjyrdan bosap ketip, áieldiń aiaǵyn tistep alǵan.
Keiin onyń jubaiy janýar turǵan aýlaǵa kelip, itti urǵan. Janýar alǵan jaraqattarynan ólip qalǵan.
Quqyq qorǵaý organdary eske salady: it adamdy qaýyp alsa da, óz betinshe áreket etýge jol berilmeidi, barlyq máseleler tek zań salasynda sheshilýi kerek.
