«Qazgidromet» RMK derekteri boiynsha elimizdiń birqatar óńirlerinde taiaý kúnderi qatty ystyq kútiledi. Aptapqa bailanysty QR Tótenshe jaǵdailar ministrligi qatty ystyqta qajettilik bolmaǵan jaǵdaida dalaǵa shyqpaýǵa keńes beredi, dep habarlaidy "Ult aqparat".
24 shilde kúni kúndiz Nur-Sultan qalasynda 35 gradýs qatty ystyq bolýy yqtimal.
24 shilde kúni kúndiz Aqmola oblysynda 35-37 gradýs, al óńirdiń batysynda 40 gradýs aptap ystyq kútiledi. Tótenshe órt qaýpi saqtalady.
24-25 shildede kúndiz Qaraǵandy oblysynyń ońtústiginde 40 gradýs ystyq bolady. Kei jerlerde órt qaýpi bar.
Kúndiz 24-26 shildede Jambyl oblysynyń kei jerlerinde aptap ystyq 44 gradýsqa kóteriledi. Órt qaýpi saqtalady.
25 shildede kúndiz Almaty, Pavlodar, Shyǵys Qazaqstan oblystarynyń kei jerlerinde 40-42 gradýs qatty ystyq kútiledi. Kei jerlerde órt shyǵý qaýpi bar.
25 shildede kúndiz Túrkistan, Qyzylorda oblystarynyń kei jerlerinde 46 gradýs ystyq bolady. Órt qaýpi saqtalady.
25-27 shildede kúndiz Mańǵystaý oblysynda 44 gradýs qatty ystyq kútiledi.
Tótenshe jaǵdailar ministrligi ystyqtan saqtaný úshin azamattardy asa qajettilik bolmaǵan jaǵdaida dalaǵa shyqpaýǵa keńes beredi, sondai-aq:
- aǵzany sýsyzdanýdan qorǵaý úshin kóp sý, kúnine keminde 1,5-3 litr suiyqtyq ishý kerek;
- aptap ystyqta kez-kelgen fizikalyq belsendilikten bas tartyńyz;
- kúndiz kún sáýlesi bólmege kirmeýi úshin terezelerdi ashyq reńkti perdelermen jabyńyz;
- kún ótpes úshin bas kiim, ashyq aýa ótkizetin kiim (maqtadan jasalǵan) kiińiz. Ystyq aýa raiynda balalarǵa erekshe nazar aýdaryp, saq bolyńyz.
Sonymen qatar, TJM azamattardy dala jáne orman alqaptarynda bolǵan kezde qaýipsizdik qaǵidalaryna saqtaýǵa shaqyrady. Ádette, tabiǵi órtterdiń oryn alýynyń negizgi sebepteri halyqtyń otty abaisyz paidalanýy, sóndirilmegen temeki, alaý, janǵan sirińke, maily nemese tozyǵy jetken shúberek, shyny bótelke, kólik quralynyń sóndirgishinen ushqyny, qurǵaq shóptiń jaǵý, naizaǵai bolyp tabylady.
