«قازگيدرومەت» رمك دەرەكتەرٸ بويىنشا ەلٸمٸزدٸڭ بٸرقاتار ٶڭٸرلەرٸندە تاياۋ كٷندەرٸ قاتتى ىستىق كٷتٸلەدٸ. اپتاپقا بايلانىستى قر تٶتەنشە جاعدايلار مينيسترلٸگٸ قاتتى ىستىقتا قاجەتتٸلٸك بولماعان جاعدايدا دالاعا شىقپاۋعا كەڭەس بەرەدٸ, دەپ حابارلايدى "ۇلت اقپارات".
24 شٸلدە كٷنٸ كٷندٸز نۇر-سۇلتان قالاسىندا 35 گرادۋس قاتتى ىستىق بولۋى ىقتيمال.
24 شٸلدە كٷنٸ كٷندٸز اقمولا وبلىسىندا 35-37 گرادۋس, ال ٶڭٸردٸڭ باتىسىندا 40 گرادۋس اپتاپ ىستىق كٷتٸلەدٸ. تٶتەنشە ٶرت قاۋپٸ ساقتالادى.
24-25 شٸلدەدە كٷندٸز قاراعاندى وبلىسىنىڭ وڭتٷستٸگٸندە 40 گرادۋس ىستىق بولادى. كەي جەرلەردە ٶرت قاۋپٸ بار.
كٷندٸز 24-26 شٸلدەدە جامبىل وبلىسىنىڭ كەي جەرلەرٸندە اپتاپ ىستىق 44 گرادۋسقا كٶتەرٸلەدٸ. ٶرت قاۋپٸ ساقتالادى.
25 شٸلدەدە كٷندٸز الماتى, پاۆلودار, شىعىس قازاقستان وبلىستارىنىڭ كەي جەرلەرٸندە 40-42 گرادۋس قاتتى ىستىق كٷتٸلەدٸ. كەي جەرلەردە ٶرت شىعۋ قاۋپٸ بار.
25 شٸلدەدە كٷندٸز تٷركٸستان, قىزىلوردا وبلىستارىنىڭ كەي جەرلەرٸندە 46 گرادۋس ىستىق بولادى. ٶرت قاۋپٸ ساقتالادى.
25-27 شٸلدەدە كٷندٸز ماڭعىستاۋ وبلىسىندا 44 گرادۋس قاتتى ىستىق كٷتٸلەدٸ.
تٶتەنشە جاعدايلار مينيسترلٸگٸ ىستىقتان ساقتانۋ ٷشٸن ازاماتتاردى اسا قاجەتتٸلٸك بولماعان جاعدايدا دالاعا شىقپاۋعا كەڭەس بەرەدٸ, سونداي-اق:
- اعزانى سۋسىزدانۋدان قورعاۋ ٷشٸن كٶپ سۋ, كٷنٸنە كەمٸندە 1,5-3 ليتر سۇيىقتىق ٸشۋ كەرەك;
- اپتاپ ىستىقتا كەز-كەلگەن فيزيكالىق بەلسەندٸلٸكتەن باس تارتىڭىز;
- كٷندٸز كٷن سەۋلەسٸ بٶلمەگە كٸرمەۋٸ ٷشٸن تەرەزەلەردٸ اشىق رەڭكتٸ پەردەلەرمەن جابىڭىز;
- كٷن ٶتپەس ٷشٸن باس كيٸم, اشىق اۋا ٶتكٸزەتٸن كيٸم (ماقتادان جاسالعان) كيٸڭٸز. ىستىق اۋا رايىندا بالالارعا ەرەكشە نازار اۋدارىپ, ساق بولىڭىز.
سونىمەن قاتار, تجم ازاماتتاردى دالا جەنە ورمان القاپتارىندا بولعان كەزدە قاۋٸپسٸزدٸك قاعيدالارىنا ساقتاۋعا شاقىرادى. ەدەتتە, تابيعي ٶرتتەردٸڭ ورىن الۋىنىڭ نەگٸزگٸ سەبەپتەرٸ حالىقتىڭ وتتى ابايسىز پايدالانۋى, سٶندٸرٸلمەگەن تەمەكٸ, الاۋ, جانعان سٸرٸڭكە, مايلى نەمەسە توزىعى جەتكەن شٷبەرەك, شىنى بٶتەلكە, كٶلٸك قۇرالىنىڭ سٶندٸرگٸشٸنەن ۇشقىنى, قۇرعاق شٶپتٸڭ جاعۋ, نايزاعاي بولىپ تابىلادى.
